.....غــــــــــــــــــــرام أحباب.....

على ذاك الطريق اللي يسمونه غرام احباب
وطت رجلي على دربه ولا ادري وش نوا فيني
تبعته لآخر دروبه الين القمر قد غاب
تعب قلبي ولا تعبت مسافات توديني
لقيت الليله الجردا هدب ظل وسما واعشاب
بعد ذاك الظلام اللي يتوهني عناويني
صدفتج معجبه فيني وياليت الغرام اعجاب
وتراج انتي الهنوف اللي هقيتج تستحقيني
عطيتج هشق من قلبي وسلمت لغلاج رقاب
وغيرج يحترق قلبه ولا يقدر يحاكيني
انا قبلج صدفت عيون لكن ويش جاب لجاب
ترا كل العيون اللي لقتني ما تكفيني
رماني حظي العاثر عليج وجيت لج طلاب
ولا انتي اللي عشقتيني ولا انتي اللي عتقتيني
تعالي وارحمي ذاك الخفوق المولع المرتاب
مهوب لجلي عشان الله يجازيج ويجازيني
تعدي في سما عشقي ولو عشقي خراب اصحاب
وصوني في الهوا نفسج قبل انتي تصونيني
وشيليني على متنج خفوق بارياً منصاب
ومن فوق الغرام العذب شيليني وحطيني
وليمنج هقيتيني شجاع وما يطيق يهاب
انا لج بالهوا والله مثل ماانتي هقيتيني
انا ما امشي ورا غيرج ولو انه يطق الباب
وترا عيباً علي اطعن ولو كثرت سكاكيني
زهوداً ما يطيق الدم لا دايم ولا طلاب
شجاع وعارف نفسي واظن انج تعرفيني
غيوراً ما عرفت اضحك مع الغدر ببرود اعصاب
ابيع عيوني الثنتين قبل انج تخونيني
واذا شد الغرام احط قلبي بين ناب وناب
الفرقة تكسر ظلوعي ولا عشقاً يوطيني
انا رجلاً ولي غيره واذا شفت الهوا كذاب
تثور في قلبي الفزعه ولا تهدا شياطيني
سؤالج لو يزعزع بي كياني ما قبلت عتاب
اجي لج واسألج نفس السؤال اللي سألتيني
عن العشق القديم ابواب وتقفيها كثير ابواب
بعد ذاك الحبيب اللي خدعني وانخدع فيني
ابي عشق تحسب له كل نظرات العيون حساب
وابي قلباً على قلبي وابي ديناً على ديني
وابي كلمة عهد توفي ولا تخلف بدون اسباب
وابي منج قبل لا انتي تصديني توديني
وابي درباً على العذال صعب ومتعب وغلاب
وابي نفس الطريق الصعب يبعدهم ويدنيني
ترا لو للقلوب عيون ودموع العيون اهداب
حشى ما تنزل الدمعه لغيرج لو تركتيني
انا اول من عرف قدرج وانا توني صغير وشاب
وابي منج مدام انج عرفتيني تحبيني
مدام اني لقيتج في طريق اسمه غرام احباب
دخيل الله وبعد الله دخيلج لا تخليني
مدام ان كل من يحيى على وجه التراب تراب
عسى تنساني الدنيا مدام انتي ذكرتيني

الله الله على الكلم الجميل تحياتي

صح لسان الشاعر القدير حامد زيد >>>>معجبة بقصائده
أشكر إبداعك وإبداع قلمك ونقلك الرائع

.....غــــــــــــــــــــرام أحباب..... E95dc36f92

مشكور رمنسيه على ردك

مشكورة ملاك الكون
والله يعطيكي الف عافية

مشكووور صاحب السمو ع الموووضووع الرائع

الله يعطيك الف عافية

مشكور صاحب السمو على القصيده الرااااائعه جداا وخاصه انها لحامد زيد
وانشاء الله انزل مقطع صغير لغرام احباب تابع له

تحيااااتي,,

رووووووووعه

دامها من حامد زيد اكيد روعه

وياليت تحطون لنا قصيدة الجمهرة

مشكور صاحب السمو

ننتظر جديدك ....

تحياتي

دمـــعه حـــزن