ليتك تحس في ضيقتي يـوم أحاكيـك

تَعَبـت أشيـل الهَـم عنّـك وأداريـك

وإنـتَ همومـي ثقلَهَـا مـا يهمِّـك

لا يـا حبيبـي .. الزمـن لا يخليـك

تقسى علـى قلبـي وتسقيـه سِمِّـك

دنيـاك هـذي , لا تغيِّـر مبـاديـك

مهما إستطعت الظلـم إعـدل بحكمـك

ما هي غريبـه مـن يذمِّـك يماشيـك

لكن غريبـه يمدحـك مـن يذمِّـك !!

ما كل واحـد غـاب معنـاه ناسيـك

بعض البشر ينسـاك لـو كـان يمِّـك

أدري تعزنـي .. الله يعـز غالـيـك

وإن كان لـي عنـدك معـزَّه بضمـك

في خاطـري كـم كلمةٍعـن تجافيـك

وإن شفت دمعاتي إنزَلَت .. حط كمِّـك

إسمك حبيبـي ويـا كثِرهـا أساميـك

وقلبي يفز .. لا جابوا النـاس إسمـك

ليتك تحس في ضيقتي يـوم احاكيـك

أحرق لك أعصابي .. وما حَس دمِّـك

غايب بدون أعذار .. ربِّـي يجازيـك

عطني سبب مُقنع حبيبـي .. وألمـك

همِّك , جنونك , ضحكتك , كل ما فيك

صوتك , سكوتك , وأرجع أقول: همِّك

طيشك , عنادك , لما تزعل وأراضيـك

ترسم ملامح ضحكتي .. وتمحي رسمك

[ لبيه ] منِّـك غيـر .. لمَّـا أناديـك

كن الكلام العَـذب ... مرسـاه فمِّـك

مهما غلـوك قلـوب نـاسٍ حواليـك

أغليك أكثـر منِّهُـم بـس .. لعلمـك

أبوك , خالك , إختك , أخوك , ماضيك

ربعك ، جميع الناس , وعيـال عمِّـك

شايف غلاهم لِك .. أكثر أنـا أغليـك

واللِّي وِصَل ( نِص الغلا ) يمكن أمّـك

صح......لسانك

كلمات ولا أروع

مشكور زلزالو

تسلم مجوووووووودي

وصح بدنك

مرورك الاروع

ولا عدمناك

كلمات رائـــــــعة زلـــــ الولــــــــــه ــــزال

..... ... .....

... ...

الغايب اللي غيابه زاد عن حده
ليته درى عن غيابه وين وداني
غاب وتركني وحيد وخافقي هده
يكتبني الحزن عقبه ثم يقرانـي
وكان الغلا والوفا والحب ماسده
معذور والله لامـر وتعدااانـي

ياطير وينك ماتجي وتوصل الرسائل